تبلیغات
www.eldarmaku.mihanblog.com - اوشاق شعرلری
 
درباره وبلاگ
صفحات جانبی
جستجو

آمار وبلاگ
  • کل بازدید :
  • بازدید امروز :
  • بازدید دیروز :
  • بازدید این ماه :
  • بازدید ماه قبل :
  • تعداد نویسندگان :
  • تعداد کل پست ها :
  • آخرین بازدید :
  • آخرین بروز رسانی :
Flag Counter
www.eldarmaku.mihanblog.com




( کندیمیزه قار یاغیر)

دنه دنه قار یاغیر کندیمیزین داغینا

آغ کپنک لر قونور باغچاسینا باغینا

                        باغلی قالیر کندیمین شهره گئدن یوللاری

                        جلوه لنیر اوزاخدان آلچاق اوجا کوللاری 

دره تپه چول چمن هر یئر اولوب آغ آپباغ

ییرغالاییر قانقالی باشین دا کی آغ  پاپاغ

                      کول دیبینده بوزولور کورپه کورپه سئرچه لر

                      گونش دوغ سا اوزونه جانا گه لر دیرچه لر 

ایسته ییرسیزاوشاقلارباهاربارسیزاولماسین

کندیمیزین داغلاری گره ک قارسیز اولماسین

                       لکه سیزدی تمیزدی قیشدا قارلی کندیمیز

                      یازدا گوللو چیچک لی یایدا بارلی کندیمیز

                                                                (kəndimizə qar yağır

dənə dənə qar yağır kəndimizin dağına

ağ kəpənəklər qonor bağçasına bağına

bağlı qalır kəndimin şəhrə gedən yolları

cilvələnir uzaxdan alçaq uca kolları

dərə təpə çöl çəmən hər yer olub ağ apbağ

yırğalyır qanqalı başındakı ağ papağ

kol dibində büzülür körpə körpə serçələr

günəş doğsa üzünə cana gələr dirçələr

istəyyrsiz uşaxlar bahar barsız olmasın

kəndimizin dağları gərək qarsız olmasın

ləkəsizdi təmizdi qışda qarlı kəndimiz

                                                                                 yazda güllü çiçəkli yayda barlı kəndiməz                                                                                      

 



        

                               آیناز قیزیم

 باهار قیزیم یاز قیزیم        آی منیم آیناز قیزیم 

قاش قاباغین توکنده           ائدیر منه ناز قیزیم 

ایشیقلانیر گوزلریم            سن قاپیدان گیرنده 

ساچلارینی هورنده           کیفیم اولورساز قیزیم 

منی فرح لن دیریر           شیرین شیرین سوزلرین 

سنین خومار گوزلرین       یادیمدان چیخماز قیزیم 

گون قاپی نی دوینده          قیزیم دورار یاتاخدان 

ائشیکده اویناماخدان          دویوپ یورولماز قیزیم

گئتمه لی سن مکتبه          درسینی دور یاز قیزیم

آی منیم آیناز قیزیم           آی منیم  آیناز قیزیم  

                                        Aynaz qızım

                                             bahar qızım yaz qızım 

  ay mənim aynaz qızım

 qaş qabağın tökəndə

edir mənə naz qızım

ışıqlanır gözlərim

sən qapıdan girəndə

saçlarını hörəndə

keyfim olur saz qızım

məni fərəhləndirir

şirin şirin sözlərin

sənin xumar gözlərin

yadımnan çıxmaz qızım

gün qapını döyəndə

qızım durar yataxdan

eşikdə oynamaqdan

doyub yorulmaz qızım

getmalisən məktəbə

dərsini dur yaz qızım

ay mənim aynaz qızım

ay mənim aynaz qızım
        آنا - اوشاق 

آلا چیق دا بیر آنا           کورپه سینی ییرقالیر

لایلای نین نغمه سی       اوره گیمی پارچالیر

آرادا بیر گوزونون        یاشی دومورجوخلانیر 

دامجی دامجی توکولور    آغ لچه گی ایسلانیر 

گیزلین اولان دردینی      هردن قاتیر لایلایا 

قارا گونو کده ری         اینان کی گلیمر سایا 

قوش یوخولو کورپه سی    گاه آغلاییرگاه گولور 

یوخویا حسرت آنا           آرادا بیر مورگولور

بالا یاتیر دینجه لیر          تر تمیز یاتاغیندا

ساچلارینا دن دوشن        آنانین قوجاغیندا

                                   uşaq- ana

alaçıqda bir ana 

uşaqını yırqalır

lailainın nəğməsı

ürəyimi parçalır

arada bır gözünün

yaşı dumurcuxlanır

damcı damcı tökülür

ağ leçəyi islanır

gizlin olan dərdini

hərdən qatır laylaya

qara günü kədəri

inanki gəlmir saya

quş yuxulu körpəsi

gah ağlayır gah gülür

yuxuya həsrət ana

arada bir mürgülür

bala yatır dincəlir

tər təmiz yatağında

saçlarına dən düşən

ananın qucağında


                        

                          قیرمیزی گونش 

                بولوددان چیخار         گویده فیرنیخار

                 ظلمتی ییخار           قیرمیزی گونش 


 دوغودان قالخار       باتی دا باتار 

 سانماکی یاتار         قیرمیزی گونش

               

                     زولفونو آچار         داغیدار اوزه 

                     نورساچار بیزه     قیرمیزی گونش


 بیزاویانمامیش     یوخودان دورار

 چارداغین قورار   قیرمیزی گونش

             

                    داغلارین قاری     اری دی گنه

                     آفرین سنه          قیرمیزی گونش
 
   
      


qırmızı qünəş          

buluddan çıxar

göydə fırnıxar

zülmətı yıxar

qırmızı günəş

doğudan qalxar

batıda batar

sanmaki yatar

qırmızı günəş

zülfünü açar

dağıdar üzə

nur saçar bizə

qırmızı günəş

biz oyanmamış

yuxudan durar

çardağın qurar

qırmızı günəş

                                    dağların qarı

əridi genə

afərin sənə

qırmızı günəş